14.07.2026 - 11:23

Міністэрства архітэктуры і будаўніцтва вызначыла статыстычныя індэксы кошту будаўніча–мантажных работ за чэрвень. Гэта прадугледжана ведамаснай пастановай ад 6 ліпеня 2026 года № 56, якая апублікавана на Нацыянальным прававым інтэрнет–партале.

Пастановай вызначаны статыстычныя індэксы кошту будаўніча–мантажных работ, у тым ліку эксплуатацыі машын і механізмаў (сярэдні па краіне – 100.4049), будаўнічых матэрыялаў, вырабаў і канструкцый (сярэдні па краіне – 100.8258). Яны разлічаны за чэрвень 2026 года да мая 2026–га.

Таксама ўстаноўлены статыстычныя індэксы кошту будаўніча–мантажных работ для прывядзення арганізацыямі аб'ёмаў падрадных работ у супастаўныя ўмовы, указаныя за чэрвень 2026 года да чэрвеня 2025 года. Сярэдні індэкс па краіне склаў 109.9459.

Пастанова набывае моц пасля афіцыйнага апублікавання.

БЕЛТА