У Магілёўскай вобласці намалацілі 735 тыс. т збожжа

У Беларусі намалацілі 6,6 млн т збожжа, паведамілі ў прэс–службе Міністэрства сельскай гаспадаркі і харчавання.

Паводле аператыўных даных на 10 жніўня, намалочана збожжавых з улікам рапсу 6 млн. 605 тыс.т. Гэта больш як на 1,5 млн.т больш, чым у гэты ж дзень мінулага года.

У разрэзе абласцей намалочана: Мінская – 1 млн 649 тыс. т, Брэсцкая – 1 млн 523 тыс. т, Гродзенская – 1 млн 275 тыс. т, Гомельская – 886 тыс. т, Магілёўская – 735 тыс. т, Віцебская – 537 тыс. т.

Убрана культур на зерне (з улікам рапсу, без кукурузы) на 1 млн. 797 тыс. га, што складае 74% ад агульнай плошчы ў 2 млн. 432 тыс. га.

Выцераблена лёну на плошчы 39 тыс. га, што складае 89% ад плана.

У лік дзяржзаказу пастаўлена: харчовага збожжа – 252 тыс. т (38% ад плана 663 тыс. т), алейнага семя рапсу – 101 тыс. т (101% ад плана 100 тыс. т), піваварнага ячменю – 47 тыс. т (55% ад плана – 55%).

Скошана траў другім укосам на плошчы 780 тыс. га, што складае 77% ад плана ў 1 млн 10 тыс. га.

Нарыхтавана сена 492 тыс. т – 69% ад плана. Сіласа нарыхтавана 371 тыс.т, што складае 2% ад плана ў 20 млн. 519 тыс.т. Травяных кармоў нарыхтавана 3 млн. 537 тыс.т кармавых адзінак (35% ад плана ў 10 млн. 131 тыс.т). Сенажу нарыхтавана 11 млн. 363 тыс.т, што складае 79% ад плана ў 14 млн. 309 тыс.т.

Наяўнасць мінеральных угнаенняў (азотных, фосфарных, калійных) пад азімую сяўбу – 207 тыс. т дзеючага рэчыва, што складае 120% да плана.

Па матэрыялах БЕЛТА