Электронныя кірмашы вакансій пройдуць для Магілёўскай вобласці з 11 па 14 мая

Дзяржаўная служба занятасці правядзе з 11 па 14 мая электронныя кірмашы вакансій – інфармацыя аб гэтым размешчана на спецыялізаваным сайце e-vacancy.

У панядзелак, 11 мая, з 09.00 да 11.00 пройдзе электронны кірмаш вакансій Краснапольскага раёна. У мерапрыемстве прыме ўдзел 1 арганізацыя Краснапольскага раёна – ДУК «Цэнтралізаваная клубная сістэма Краснапольскага райвыканкама».

На 13 мая запланаваны электронны кірмаш вакансій Касцюковіцкага раёна. Час правядзення – з 10.00 да 12.00, пакуль заяўлены толькі адзін удзельнік – Касцюковіцкі раённы цэнтр гігіены і эпідэміялогіі, куды патрабуюцца ўрач-спецыяліст і памочнік урача-гігіеніста (урача-паразітолага, урача-эпідэміёлага).

На 14 мая запланаваны электронны кірмаш вакансій для жыхароў Круглянскага раёна.

Электронны кірмаш вакансій – гэта прагрэсіўная форма паслуг, прапанаваная органамі дзяржаўнай службы занятасці насельніцтва грамадзянам для вырашэння пытанняў працаўладкавання ў рэжыме рэальнага часу. Яна даступная на сайце e-vacancy.by. Саіскальнікі маюць магчымасць азнаёміцца з вакансіямі, прапанаванымі наймальнікамі, рэжымам і ўмовамі працы, а таксама задаць пытанні і накіраваць рэзюмэ, Атрымаць электронную кансультацыю, запрашэнне на субяседаванне ў рэжыме рэальнага часу. Такая электронная паслуга прапануецца ўсім жыхарам краіны і значна скарачае перыяд пошуку працы.

СБ