29.04.2024 - 12:15

Сёння ў Магілёве праходзіць семінар-практыкум “Сістэма прафесійнага самавызначэння. Фарміраванне прафесійнага майстэрства сучасных рабочых і спецыялістаў ва ўстановах сярэдняй спецыяльнай адукацыі. Рынак працы і сістэма кваліфікацый». Аб гэтым паведамілі ў Магілёўскім інстытуце развіцця адукацыі.

Абмен вопытам праходзіць на пляцоўках Магілёўскага дзяржаўнага электратэхнічнага каледжа, Магілёўскага дзяржаўнага тэхналагічнага каледжа і Магілёўскага дзяржаўнага ордэна Працоўнага Чырвонага Сцяга агралесатэхнічнага каледжа імя К.П.Арлоўскага.

Як расказалі арганізатары мерапрыемства, падчас семінара дырэктары ўстаноў адукацыі раскажуць аб навукова-метадычным забеспячэнні адукацыйнага працэсу ў Беларусі, аб арганізацыі работы па прафарыентацыі, аб дзейнасці навучальных майстэрняў, кабінетаў, лабараторый і паказвалі іх аснашчанасць.

«У Магілёўскай вобласці з году ў год удасканальваецца сістэма прафесійнай адукацыі. Галоўная задача ўстаноў сярэдняй спецыяльнай адукацыі - падрыхтоўка кваліфікаваных спецыялістаў для эканомікі Магілёўскай вобласці і Рэспублікі Беларусь, фарміраванне станоўчага іміджу і прэстыжу рабочых спецыяльнасцей, - адзначылі ў Магілёўскім інстытуце развіцця адукацыі. - Для гэтага выкарыстоўваюцца інавацыйныя метады навучання, ствараюцца ўнікальныя навучальныя лабараторыі, дзе будучыя прафесіяналы на практыцы спазнаюць асновы абранай прафесіі. Наглядны прыклад - навучальная лабараторыя «Заасад» Магілёўскага дзяржаўнага агралесатэхнічнага каледжа».

У абмене досведам таксама бяруць удзел прадстаўнікі Маскоўскай вобласці – Электрастальскі каледж».

На выставе «Магілёўшчына - гераічнае мінулае і слаўнае будучыню», якая праходзіла ў Маскве з 29 сакавіка па 22 красавіка, былі заключаны пагадненні аб супрацоўніцтве паміж УА «Магілёўскі дзяржаўны абласны інстытут развіцця адукацыі», каледжамі г. Магілёва і Дзяржаўнай бюджэтнай прафесійнай адукацыйнай установай Маскоўскай «Электрастальскі каледж». Гэта першае сумеснае мерапрыемства, ініцыятарам якога стаў Магілёўскі інстытут развіцця адукацыі.

Галіна Гаўрыловіч, фота ўдзельнікаў семінара