Фестываль студэнтаў Саюзнай дзяржавы «Палітра творчасці» пройдзе ў Магілёве з 28 па 30 лістапада
Адкрыты фестываль «Палітра творчасці», прымеркаваны да Года міру і стварэння, пройдзе ў Магілёве з 28 па 30 лістапада. Творчыя вечары пройдуць на сцэне Беларуска-Расійскага ўніверсітэта. Гэта ўжо 13-ты па ліку фестываль.
У першы дзень адбудзецца конкурс песні «Студэнцкі лістапад», на наступны дзень удзельнікі фэсту будуць спаборнічаць у намінацыях «Танцы 100%» і «Тэатр+». Заключны акорд - гала-канцэрт і ўзнагароджанне пераможцаў.
У студэнцкім клубе БРУ паведамілі, што свае заяўкі ўжо даслалі ўдзельнікі не толькі з беларускіх ВНУ, але і расійскіх.
– Да нас едуць студэнты Смаленскай дзяржаўнай сельскагаспадарчай акадэміі, Белгарадскага дзяржаўнага тэхналагічнага ўніверсітэта, Расійскага ўніверсітэта дружбы народаў ім. Патрыса Лумумбы, Пскоўскага дзяржуніверсітэта, Бранскага дзяржаўнага тэхнічнага ўніверсітэта.
Больш за ўсё ўдзельнікаў вырашылі паспаборнічаць у намінацыі «саліст-вакаліст» - 34 чалавекі.
Задачы фестывалю, паводле слоў арганізатараў, - кансалідацыя творчай моладзі Беларусі і Расіі, захаванне і папулярызацыя культурнай спадчыны народаў дзвюх дзяржаў, а таксама развіццё творчых здольнасцей студэнтаў і навучэнцаў.
Пры выкарыстанні матэрыялаў актыўная гіперспасылка на mogilev-region.gov.by абавязковая
06.05.2024 - 12:11
Рэспубліканскі конкурс студэнцкіх сем'яў стартуе ў Магілёве 16 мая
06.05.2024 - 09:57
24.04.2024 - 15:15
На ўзбярэжжы заліва Дняпра ў чэмпіянаце «Кубак чысціні Беларусі» паспаборнічаюць 23 каманды
23.04.2024 - 10:50
Моладзевы вясновы баль прайшоў у Жыліцкім палацава-паркавым ансамблі