17.05.2023 - 10:31

Гарачая лінія па пытаннях часовай занятасці моладзі пройдзе ў Магілёве 18 мая. Пра гэта паведамілі ва ўпраўленні па працы, занятасці і сацыяльнай абароне Магілёўскага гарвыканкама.

У час тэматычнай гарачай лініі можна будзе атрымаць адказы на пытанні, звязаныя з часовай занятасцю моладзі ў вольны ад вучобы час. Спецыялісты дадуць рэкамендацыі па працаўладкаванні і раскажуць аб тым, дзе і як можна знайсці прыдатныя вакансіі.

Гарачая лінія будзе працаваць з 9.00 да 12.00 па тэлефоне 8 (0222) 41-88-03. На пытанні будзе адказваць начальнік аддзела забеспячэння занятасці насельніцтва Сняжана Майсеева.

Тэматычная гарачая лінія будзе праходзіць у рамках агульнарэспубліканскага кірмашу вакансій для моладзі.

БЕЛТА