01.04.2026 - 17:27

Пасяджэнне Каардынацыйнага Савета грамадскіх аб'яднанняў і палітычных партый Магілёўскай вобласці адбылося сёння ў аблвыканкаме. Удзел у ім узялі старшыня Магілёўскай абласной арганізацыі Рэспубліканскага грамадскага аб'яднання «Белая Русь», старшыня Магілёўскага абласнога Савета дэпутатаў Аляксандр Гарошкін, начальнік галоўнага ўпраўлення ідэалагічнай работы і па справах моладзі аблвыканкама Кацярына Музычэнка, а таксама прадстаўнікі найбольш актыўных грамадскіх фарміраванняў рэгіёну.


Першым на парадку дня было разгледжана пытанне пра дзейнасць Кардынацыйнага Савета за перыяд з верасня 2023 па сакавік 2026 года. Яго кіраўнік Андрэй Нікіцін выступіў з дакладам, расказаўшы аб асноўных выніках дзейнасці: «У мінулым годзе, як і ў цэлым за час работы нашага калегіяльнага каардынацыйнага органа грамадскасці рэгіёну дзейнасць была накіравана на забеспячэнне вырашэння актуальных задач у грамадска–палітычнай сферы ў інтарэсах беларускага народа, нашай дзяржавы і нашай Магілёўшчыны», – падкрэсліў ён.


У сваю чаргу Кацярына Музычэнка адзначыла, што Каардынацыйны Савет існаваў і працягне існаваць у Магілёўскай вобласці: «Гэта традыцыйна было, ёсць і будзе. Для таго, каб мы маглі зверыць гадзіннікі, скаардынаваць нашу працу. Бо задачы ў нас усіх агульныя, толькі працуе кожны па сваім кірунку».


Наступным пытаннем на парадак дня было вынесена пытанне кадравых зменаў кіруючага складу Кардынацыйнага Савета. Новым лідарам Каардынацыйнага Савета грамадскіх аб'яднанняў і палітычных партый Магілёўскай вобласці аднагалосна абраны Аляксандр Гарошкін. Сустаршынямі Савета сталі старшыня абласнога Савета Беларускага грамадскага аб'яднання ветэранаў Анатоль Глаз і старшыня абласнога аддзялення Беларускай партыі «Белая Русь» Юрый Машын. Сакратаром Каардынацыйнай Рады абралі намесніка старшыні Рэспубліканскай партыі працы і справядлівасці Таццяну Ішчанку.


Аляксандр Гарошкін падзякаваў за аказаны давер, адзначыўшы, што мэта Каардынацыйнай Рады перад грамадскімі аб'яднаннямі і партыямі стаіць адна – кансалідацыя нашага грамадства: «Вакол чаго і каго? Дзяржавы, яе гаранта – Прэзідэнта, нашай гісторыі, традыцыйных каштоўнасцяў і г.д. А дасягненне гэтай галоўнай мэты можа быць розным, бо і статутныя дакументы, і склад у нас адрозніваюцца. Таму метады, спосабы дасягнення галоўнай мэты могуць быць рознымі. І тое, што ў Магілёўскай вобласці створаная і існуе такая Каардынацыйная Рада – гэта правільна. Любое мерапрыемства павінна быць кіраваным, тады агульнай мэты можна дасягнуць значна меншымі намаганнямі і за карацейшы прамежак часу. Калі ёсць «штаб», куды сцякаюцца ідэі, меркаванні і прапановы, абмяркоўваюцца, тады лягчэй прыняць адзінае рашэнне і рухацца наперад», – рэзюмаваў ён.


Юлія Таранава, фота Галіны Гаўрыловіч