Актуальныя пытанні абмеркавалі сёння падчас пазачарговага пасяджэння камісіі па справах непаўналетніх

Актуальныя пытанні абмеркавалі сёння падчас нечарговага пасяджэння камісіі па справах непаўналетніх, якое прайшло ў Магілёўскім аблвыканкаме.

У працы камісіі прынялі ўдзел старшыня Пастаяннай камісіі па ахове здароўя, фізічнай культуры, сямейнай і маладзёжнай палітыцы Палаты прадстаўнікоў Нацыянальнага сходу Рэспублікі Беларусь Валерый Малашка, начальнік аддзела па наглядзе за выкананнем заканадаўства аб непаўналетніх і моладзі пракуратуры Магілёўскай вобласці Святлана Кашнярова.

Старшыня камісіі, намеснік старшыні аблвыканкама Алег Сцельмашок звярнуў увагу, што дзяржаўная абарона дзяцей у нядобранадзейных сем'ях расцэньваецца як забеспячэнне іх бяспекі. А пакрыццё расходаў па ўтрыманні дзяцей, якія знаходзяцца на дзяржаўным забеспячэнні, мае эканамічны складальнік і з'яўляецца важным аспектам уздзеяння на бацькоў для фарміравання ў іх адказных паводзін.

Дакладваючы аб рэзультатыўнасці прынятых мер, намеснік старшыні камісіі па справах непаўналетніх аблвыканкама Наталля Ігнаценка адзначыла змяншэнне колькасці непаўналетніх, якія прызнаны маючымі патрэбу ў дзяржаўнай абароне, а таксама сталі сіротамі з прычыны пазбаўлення іх бацькоў правоў.

На пасяджэнні таксама абмеркавалі меры па дзяржаўнай абароне дзяцей у нядобранадзейных сем'ях, кампенсацыі абавязанымі асобамі расходаў на ўтрыманне дзяцей.

Пры разглядзе пытання, якое датычыцца папярэджання злачынстваў у сферы інфармацыйна–камунікацыйных тэхналогій адзначана, што важна актыўная інфармацыйна–тлумачальная работа і выкарыстанне інтэрактыўных форм.

У ходзе пасяджэння заслуханы справаздачы службовых асоб. Прыняты пастановы.

Рэд., фота Галіны Гаўрыловіч