14.01.2026 - 10:11

У Магілёўскім заасадзе ў Буйнічах 17 студзеня пройдуць Калядкі. Пра гэта паведамілі ў Магілёўскім дзяржаўным агралесатэхнічным каледжы імя К.П. Арлоўскага.

Вялікае свята падорыць наведвальнікам заасада шмат яркіх і станоўчых эмоцый. Тут можна будзе пачаставацца смачнай кашай і юшкай проста з вогнішча, паўдзельнічаць у розных народных забавах і тэматычных конкурсах для дзяцей і дарослых. Шмат песень, танцаў і весялосці - арганізатары абяцаюць, што сумна не будзе нікому.

Як расказалі ў каледжы, свята ў заасадзе - гэта зварот да беларускіх традыцый і каранёў, магчымасць правесці час цікава і з карысцю, а яшчэ - пагуляць па тэрыторыі, паглядзець на жывёл і пачаставаць іх.

Пачатак свята аб 11.00.

БЕЛТА