06.09.2026 - 13:35

Карціна БЕЛТА да Года беларускай жанчыны перададзена Касцюковіцкаму краязнаўчаму музею.


У стварэнні карціны прынялі ўдзел жыхары і госці Дня беларускага пісьменства ў Касцюковічах. Фінальныя штрыхі да партрэта дабавілі ў час наведвання пляцоўкі БЕЛТА намеснік прэм'ер–міністра Наталля Пяткевіч, памочнік Прэзідэнта – інспектар па Магілёўскай вобласці Надзея Каткавец і старшыня Касцюковіцкага райвыканкама Наталля Асмалоўская.


«Нам вельмі спадабалася ідэя стварэння карціны і беларуска, якая атрымалася. Яна маладая, прыгожая, поўная сіл. Я бачыла, з якім задавальненнем усе яе малявалі. Дзякуй БЕЛТА за крэатыўны падарунак. Ён упрыгожыць наш музей і застанецца яркім напамінам пра Дзень беларускага пісьменства», – падкрэсліла Наталля Асмалоўская.


БЕЛТА