11.07.2026 - 14:21

Старшыня аблвыканкама Анатоль Ісачанка сустрэўся сёння з часова выконваючым абавязкі губернатара Бранскай вобласці Расійскай Федэрацыі Ягорам Кавальчуком.


Старшыня Магілёўскага аблвыканкама падзякаваў прадстаўнікам бранскай дэлегацыі за прынятае запрашэнне паўдзельнічаць у рэспубліканскім свяце «Купалле» («Александрыя збірае сяброў»), якое 11–12 ліпеня праходзіць у Шклоўскім раёне.


Таксама бакі абмеркавалі перспектывы эканамічнага і культурнага супрацоўніцтва. Як адзначыў Анатоль Ісачанка, за апошнія пяць гадоў узаемны тавараабарот паміж рэгіёнамі павялічыўся ў 1,6 раза і дасягнуў у 2025 годзе $81,9 млн. Пры гэтым ён падкрэсліў: «Разумеючы важнасць эканамічнага ўзаемадзеяння, мы не павінны забываць пра партнёрства ў сацыяльнай сферы, тым больш, што тут ёсць добры патэнцыял супрацоўніцтва. Мы зацікаўлены ва ўмацаванні культурных і турыстычных сувязей, правядзенні сумеснай работы ў сферы дзяржаўнай маладзёжнай палітыкі нашых рэгіёнаў».


Кіраўнік рэгіёну выказаў упэўненасць, што сённяшняя сустрэча стане працягам плённага ўзаемадзеяння і моцнага сяброўства, а ўдзел бранскай дэлегацыі ў свяце «Купалле» («Александрыя збірае сяброў») паслужыць умацаваннем партнёрства для дзелавога і культурнага дыялога паміж рэгіёнамі.


Падтрымаў яго словы і часова выконваючы абавязкі губернатара Бранскай вобласці. Адзначыўшы, што ўдзел у свяце «Купалле» («Александрыя збірае сяброў») прадстаўнікі рэгіёна бяруць не першы раз, і выказаўшы ўпэўненасць, што не апошні: «Свята заўсёды выклікае вельмі цёплыя адчуванні, эмоцыі, станоўчыя водгукі. Гэта добрая традыцыя і яе трэба працягваць».


Ягор Кавальчук адзначыў, што акрамя культурнага і гістарычнага ўзаемадзеяння важнае супрацоўніцтва ў сферы эканомікі. «Тут у нас ёсць свае напрамкі развіцця, як правільна характарызаваў нашы ўзаемаадносіны Анатоль Міхайлавіч. Ёсць узаемадапаўняльныя сферы і галіны. Ёсць шмат агульных галін. Где–то мы знаходзімся ў здаровай канкурэнцыі, где–то, сапраўды, дапаўняем і вязем тавары сябар ад сябра. І задача зараз зрабіць так, каб гэты абарот пастаянна рост, каб нашы прадпрыемствы знаходзіліся ў пастаянным кантакце і бачылі адно ў адным надзейных партнёраў. І нашая задача як кіраўнікоў рэгіёнаў стварыць для іх умовы. А сённяшняе мерапрыемства якраз нагода наладзіць вось такія нефармальныя, сяброўскія адносіны».


Юлія Таранава, фота Галіны Гаўрыловіч