01.12.2025 - 10:00

Міністэрства ўнутраных спраў аб'явіла конкурс «Мары спраўджваюцца!» для хлопцаў ад 8 да 18 гадоў, паведамілі ў МУС.

Упершыню прымаюцца работы ў дзвюх намінацыях: «Відэазварот да міністра» і «Ліст міністру». У намінацыі «Відэазварот да міністра» неабходна падрыхтаваць відэаролік і расказаць міністру ўнутраных спраў, у якім падраздзяленні МУС удзельнік конкурсу марыць служыць і чаму, з выкарыстаннем магчымасцей штучнага інтэлекту трэба паказаць, як у будучым будзе выглядаць дадзенае падраздзяленне органаў унутраных спраў. З 1 па 15 снежня ўдзельніку варта размясціць свой ролік у Instagram, паставіць хэштэг #мвд_мечты_сбываюцца2025, падпісацца на акаўнт @belarus_police і абавязкова даслаць спасылку на ролік у дырэкт @belarus_police.

Прэтэндэнтам на перамогу ў намінацыі «Ліст міністру» неабходна напісаць ліст міністру ўнутраных спраў і расказаць, якія добрыя ўчынкі ўдзельнік здзейсніў у гэтым годзе, падзяліцца сваёй самай запаветнай марай і з 1 па 15 снежня даслаць працу па адрасе: 220030, Мінск, вул. Гарадскі Вал, 4, каб. 226.

«Да работ павінна прыкладацца заяўка ў адвольнай форме з інфармацыяй аб удзельніку (прозвішча, імя, імя па бацьку, узрост, паштовы адрас, кантактны тэлефон)», - удакладнілі ў МУС.

Кожны ўдзельнік можа падаць заяўку толькі ў адну з намінацый. Аўтараў самых крэатыўных работ чакаюць сюрпрызы ад кіраўніка МУС, а ролікі будуць апублікаваны ва ўсіх сацсетках ведамства.

«Зіма - гэта час чараўніцтва і выкананні запаветных жаданняў. Абавязкова ўдзельнічайце і верце: мары здзяйсняюцца», - заключылі ў МУС.

БЕЛТА