15.04.2026 - 13:55

Асабісты прыём грамадзян правёў сёння старшыня абласнога Савета дэпутатаў Аляксандр Гарошкін.


На прыём да яго звярнулася сямейная пара з Магілёва з просьбай паспрыяць у пошуку дакументаў на ўчастак і дом, які ў свой час належаў сям'і заяўніцы, у дзяржаўным архіве. Самастойныя пошукі не далі плёну. Заяўнікам абяцалі аказаць магчымае садзейнічанне.


Яшчэ адна сям'я з Чавускага раёна звярнулася па пытанні магчымасці выкупу дома ў вёсцы Пухнова, дзе яны пражываюць. Больш за 40 гадоў заяўнікі прапрацавалі ў калгасе, дом прызнаны ў кастрычніку 2025 арэндным жыллём. І як наймальнікам ім была налічана штомесячная арэндная плата і адлічэнні на капрамонт. Апошняе выклікала ў сям'і пытанні, бо хату яны абслугоўваюць самастойна.


Грамадзянам растлумачылі, што арэнднае жыллё ў дадзеным выпадку, сапраўды, прыватызаваць немагчыма. «Іншая справа, калі плацеж па капрамонту налічаны памылкова, з гэтым мы разбярэмся і дадзім адказ», – паабяцаў Аляксандр Гарошкін. Пытанне ён узяў на асабісты кантроль. Заяўнікаў такое рашэнне задаволіла.


Таксама жыллёвае пытанне паўторна прывяло на прыём жыхарку аграгарадка Палыкавічы. Тры гады таму кватэра жанчыны пацярпела ад пажару, у ёй да гэтага часу зарэгістраваны два яе паўналетнія сыны, якія стаяць на чарзе як тыя, хто мае патрэбу ў паляпшэнні жыллёвых умоў. Узамен страчанага, жанчыне са складам яе сям'і выдзелілі арэнднае жыллё. Пацярпелы ад пажару дом, зараз трапляе пад знос. І жанчыну хвалюе кампенсацыя ўзамен жылля, якое зносіцца.


Заяўніцы растлумачылі, што згодна з дзейным заканадаўствам па яе заяве ёй выдзелена арэнднае жыллё замест згарэўшай кватэры. Пасля ацэнкі БТІ, пры зносе будзе таксама выплачана кампенсацыя.

Юлія Таранава, фота Галіны Гаўрыловіч