Рэспубліканская патрыятычная акцыя «Іх подзвіг у памяці нашчадкаў захаваем» стартуе 30 красавіка

У Беларусі 30 красавіка стартуе рэспубліканская патрыятычная акцыя для школьнікаў і моладзі «Іх подзвіг у памяці нашчадкаў захаваем». Аб гэтым паведамілі ў Рэспубліканскім цэнтры экалогіі і краязнаўства.

У цэнтры праінфармавалі:

– З 30 красавіка па 22 чэрвеня ў краіне будзе праходзіць рэспубліканская патрыятычная акцыя «Іх подзвіг у памяці нашчадкаў захаваем», прымеркаваная да гадавіны Перамогі ў Вялікай Айчыннай вайне і Дню ўсенароднай памяці ахвяр вайны і генацыду беларускага народа. Яна праводзіцца з мэтай захавання гістарычнай памяці аб подзвігу савецкага народа ў гады Вялікай Айчыннай вайны, фарміраванні ў падрастаючага пакалення патрыятычных якасцей і паважлівага стаўлення да абаронцаў сваёй Айчыны. Да ўдзелу запрошаны навучэнцы ўстаноў агульнай сярэдняй, прафесійна–тэхнічнай, сярэдняй спецыяльнай і вышэйшай адукацыі.

Арганізатарамі акцыі з`яўляюцца Міністэрства адукацыі Беларусі і Рэспубліканскі цэнтр экалогіі і краязнаўства.

Сярод ключавых напрамкаў акцыі – інфармацыйна–асветніцкая дзейнасць (урокі памяці, тэматычныя выставы, конкурсы сачыненняў і малюнкаў, сустрэчы з ветэранамі і г. д.), пошукава–даследчая работа (збор матэрыялаў аб земляках – удзельніках вайны, вывучэнне сямейных архіваў, стварэнне інтэрактыўных карт памятных месцаў, папаўненне ". над ветэранамі, працаўнікамі тылу, добраўпарадкаванне воінскіх пахаванняў і мемарыялаў), мемарыяльныя мерапрыемствы (вахты памяці, мітынгі, ускладання кветак), літаратурна–музычныя кампазіцыі, экскурсійная дзейнасць.

Інфармацыя аб ходзе патрыятычнай акцыі будзе размяшчацца на сайтах устаноў адукацыі, у афіцыйных сацыяльных сетках устаноў, а таксама ў сродках масавай інфармацыі.

СБ