17.07.2026 - 16:30

Міністэрства адукацыі зацвердзіла праграму факультатыўных заняткаў «Матэматыка: ад простага – да складанага» для 8–11–х класаў. Пра гэта паведамілі ў ведамстве.

Асаблівасцю курса з'яўляецца гнуткасць праграмы – яе можна праходзіць адзін, два ці чатыры гады на выбар школы і вучня. Таксама зроблены акцэнт на практыку: упор на тэставыя фарматы, пошук рацыянальных спосабаў рашэння і навыкі тайм–мэнэджменту. Факультатыў накіраваны на паўтарэнне і паглыбленне ключавых тэм алгебры і геаметрыі.

Даступныя заняткі стануць з 1 верасня. Праграма з'явіцца на Нацыянальным адукацыйным партале ў раздзеле «Новыя навучальныя праграмы факультатыўных заняткаў да 2026/2027 навучальнага года».

БЕЛТА