24.04.2026 - 12:34

Сёлета ў Магілёўскай вобласці планавая лічба аздараўлення дзяцей з выкарыстаннем дзяржаўных сродкаў захаваецца на ўзроўні мінулага года – 48 тысяч школьнікаў. Пра гэта паведамілі ў Магілёўскім абласным упраўленні Рэспубліканскага цэнтра па аздараўленні і санаторна–курортным лячэнні насельніцтва.

У тым ліку ў стацыянарных лагерах плануецца аздаравіць каля 15,5 тысячы, неперасоўных намётавых тэрмінам 12 дзён — 1,5 тысячы, перасоўных тэрмінам 9 дзён — 3 тысячы і 28 тысяч у дзённых лагерах.

Памер патаннення кошту пуцёўкі на перыяд летніх канікулаў павялічыўся ў параўнанні з мінулым годам да 6 працэнтаў. Сярэдні кошт пуцёўкі ў стацыянарным выхаваўча–аздараўленчым лагеры складзе 650 рублёў.

У летні аздараўленчы перыяд у вобласці будуць працаваць усё тыя ж 15 стацыянарных кругласутачных лагераў і тры арандаваныя – на базе санаторыяў «Сосны», «Дубровенка», «Свіслач». Плануецца, што будуць таксама працаваць больш за 500 дзённых, каля 200 палатачных лагераў.

Сёлета на падрыхтоўку стацыянарных лагераў плануецца накіраваць больш за два мільёны рублёў, у тым ліку для лагераў, якія знаходзяцца на балансе абласнога, гарадскога і раённых бюджэтаў, прадугледжаны 1 мільён 690 тысяч рублёў.

 СБ