04.12.2025 - 10:33

Супрацоўнікі Магілёўскага абласнога ўпраўлення аховы на чале з часова выконваючым абавязкі па пасадзе начальніка Аляксандрам Дубінчыкам у Дзень інвалідаў прыехалі ў госці да ветэранаў службы. Ад імя афіцэрскага сходу ахоўнікам сярэбранага ўзросту была аказана матэрыяльная дапамога.


Аляксандр Алегавіч адзначыў неверагодную сілу духу, упартасць і жыццялюбства кожнага:

- Жадаем усім вам захоўваць пачуццё аптымізму, ставіць перад сабой мэты і дамагацца іх. Здароўя, падтрымкі родных і блізкіх, разумення і дапамогі з боку навакольных. Мы заўсёды побач і гатовы прыйсці на дапамогу ў выпадку неабходнасці.

Не засталіся ў баку ад важнай даты і прадстаўніцы Беларускага саюза жанчын. Апроч добрых пажаданняў і цёплых слоў падтрымкі, кожны ветэран атрымаў ад іх прадуктовы кошык.


А выхаванцы ваенна-патрыятычнага клуба «Дазор» разам з прадстаўнікамі абласнога ўпраўлення аховы наведалі жыхарку Круглага Кацярыну Палуда. Яна з'яўляецца інвалідам наступстваў Вялікай Айчыннай вайны - будучы дзіцем, атрымала раненне ад выбуху боепрыпасаў.

Рабяты з радасцю паслухалі жыццёвыя аповяды Кацярыны Мікалаеўны, пажадалі ёй наймоцнага здароўя на доўгія гады, сямейнага цяпла і дабрабыту.

Старшыня савета ветэранаў упраўлення Васіль Цехнавецкі далучыўся да добрых слоў і адзначыў:

— Сённяшні дзень нагадвае нам аб тым, што ўсе мы розныя, у кожнага свае складанасці ў жыцці, але аднолькава маем патрэбу ў клопаце, сяброўстве, каханні і разуменні. Жадаю вам здароўя і праходзіць цяжкасці з усмешкай!


СБ