У Магілёве прайшоў абласны семінар па пытаннях увекавечання памяці загінуўшых у гады Вялікай Айчыннай вайны

Семінар для ідэалагічных работнікаў вобласці «Увекавечанне памяці загінуўшых пры абароне Айчыны і генацыдзе беларускага народа ў гады Вялікай Айчыннай вайны. Вопыт і задачы ідэалагічнай вертыкалі» прайшоў сёння ў Магілёўскім аблвыканкаме. У мерапрыемстве прынялі ўдзел намеснік начальніка ўпраўлення ідэалагічнай работы галоўнага ўпраўлення ідэалагічнай работы і па справах моладзі аблвыканкама Юлія Залога, старшыня грамадскага аб'яднання «Магілёўскі абласны гісторыка–патрыятычны пошукавы клуб «Віккру» Мікалай Барысенка, начальнік групы ўпраўлення па ўвекавечанні памяці абаронцаў Айчыны і ахвяр войн Узброеных Сіл Міністэрства абароны Рэспублікі Беларусь Алена Вольская, галоўны спецыяліст упраўлення культуры Магілёўскага аблвыканкама Анастасія Радоўская. А таксама прадстаўніка аддзелаў ідэалагічнай работы і па справах моладзі гарадскіх і раённых выканаўчых камітэтаў, адказныя за вядзенне пытанняў па ўшанаванні памяці абаронцаў Айчыны і ахвяр войн.

З прывітальным словам да прысутных звярнулася Юлія Залога, якая вызначыла ключавыя мэты семінара і акцэнтавала ўвагу на важнасці сістэмнай работы па захаванні гістарычнай памяці.

Акрамя таго, яна расказала аб рэалізацыі мерапрыемстваў, прысвечаных увекавечанню памяці аб загінуўшых пры абароне Айчыны і генацыдзе беларускага народа, уключаючы арганізацыю дзяржаўнага ўліку воінскіх пахаванняў і пахаванняў ахвяр войнаў, фінансавым забеспячэнні адпаведных мерапрыемстваў у адпаведнасці ў адпаведнасці з Указам Прэзідэнта Рэспублікі Беларусь ад 24 сакавіка 2026 г. № 10 і захаванні памяці аб ахвярах войнаў». У ходзе семінара ўдзельнікі абмеркавалі праблемныя пытанні ў рабоце па ўвекавечанні памяці загінуўшых і шляхі іх вырашэння, а таксама пагаварылі аб арганізацыі пошукавага руху ў Магілёўскай вобласці і перспектывах дзейнасці пошукавых атрадаў, стварэнні і ўстаноўцы твораў манументальнага мастацтва, прысвечаных падзеям ваеннай гісторыі. Асаблівая ўвага была ўдзелена практыка–арыентаванаму занятку па пошуку інфармацыі аб устанаўленні імёнаў загінуўшых у гады Вялікай Айчыннай вайны з выкарыстаннем інтэрнет–рэсурсаў, а таксама падвядзенні вынікаў работы ў фармаце адкрытага дыялога.

Па выніках семінара ўдзельнікамі выпрацаваны рашэнні па ўдасканаленні дзейнасці ў сферы ўвекавечання памяці абаронцаў Айчыны і ахвяр войн, намечаны канкрэтныя крокі па павышэнні эфектыўнасці ідэалагічнай работы ў гэтым напрамку.

Юлія Таранава, фота Галіны Гаўрыловіч