У МПЗ нагадалі аб выплаце адзінага маёмаснага плацяжу да 16 лістапада

У Міністэрстве па падатках і зборах нагадалі аб выплаце адзінага маёмаснага плацяжу да 16 лістапада.

«З 2024 года ў Беларусі аб'ядналі падатак на нерухомую маёмасць, зямельны і транспартны падаткі ў адзін плацеж. Усё разам – за кватэру, дачу і машыну. Падатковая сама ўсё палічыць і дашле паведамленне», – адзначылі ў МПЗ.

Да 16 лістапада 2026 года трэба заплаціць адзіны маёмасны плацеж за 2025 год. Гэта можна зрабіць праз АРІП, на пошце ці ў банку, а таксама праз асабісты кабінет на сайце nalog.gov.by.

Таксама ў МПЗ падзяліліся інструкцыяй, як знайсці плацёж у АРІП: Плацяжы і пераводы – Сістэма «Разлік» (АРІП) – Падаткі – свой горад/раён – ІМПЗ па месцы рэгістрацыі – Адзіны маёмасны плацеж – УНП.

«Калі паведамленне не прыйшло – зайдзіце ў асабісты кабінет плацельшчыка і сфармуйце яго самастойна або звярніцеся ў падатковую», – дадалі ў МПЗ.

БЕЛТА