Хакеісты бабруйскага «Дынама-Шынніка» атрымалі валявую перамогу ў гасцявой гульні рэгулярнага чэмпіянату Маладзёжнай хакейнай лігі.
У чарговым матчы выязной серыі падапечныя Андрэя Міхалёва сустракаліся са СКА-1946. Каманды ўжо гулялі паміж сабой менш за месяц таму, і тады ў Бабруйску мацнейшымі былі беларусы (4:1). Аднак паядынак у Санкт-Пецярбургу першапачаткова складаўся зусім па іншым сцэнарыі: у стартавай трэці гаспадары лёду выйшлі наперад, а ў другім перыядзе падвоілі перавагу. За шэсць хвілін да фінальнай сірэны юныя дынамаўцы яшчэ ўступалі з лікам 0:2, але Іван Шаціла і Данііл Ліпскі адзін за адным паразілі вароты саперніка, тым самым перавёўшы сустрэчу ў авертайм. У дадатковай пяціхвілінцы пераможца выяўлены не быў, а ў серыі булітаў дакладней аказаліся бабруйчане. Вырашальны кідок выканаў Ілля Лахноў, у выніку 3:2.
Гэта перамога стала для «Дынама-Шынніка» ўсяго другой у бягучай выязной серыі, якая налічвае ўжо шэсць матчаў. На дадзены момант «шыннікі» з 21 балам займаюць другое месца ў Сярэбраным дывізіёне Заходняй канферэнцыі МХЛ, адстаючы на два балы ад «Атланта». Наступным сапернікам падапечных Міхалёва стане прадстаўнік Залатога дывізіёна МХК «Спартак». Сустрэча пройдзе 20 кастрычніка ў Маскве і стартуе а 18-й гадзіне.
Пры выкарыстанні матэрыялаў актыўная гіперспасылка на mogilev-region.gov.by абавязковая
12.07.2024 - 09:21
Слонім і Бабруйск прымуць матчы 1/16 фіналу Кубка Беларусі па футболе
01.07.2024 - 10:27
Магілёўскі ЦАР выйграў усе матчы на старце чэмпіянату Беларусі па пляжным футболе
28.06.2024 - 16:13
25.06.2024 - 17:37
Магілёўскую вобласць на VIII Гульнях «Дзеці Азіі» ў Якуцку прадставяць 17 спартсменаў
25.06.2024 - 13:19
Адкрыты турнір «Кубак дружбы» па настольным тэнісе стартаваў у Магілёве