Хакеісты «Дынама-Шынніка» выйгралі другі запар матч у МХЛ

Бабруйскі «Дынама-Шыннік» атрымаў другую перамогу на старце рэгулярнага чэмпіянату Маладзёжнай хакейнай лігі сезона-2025/26.

У другім хатнім матчы сезона бабруйчане прымалі «Сахалінскіх Акул». На 16-й хвіліне сустрэчы Канстанцін Валочка вывеў гаспадароў наперад, у сярэдзіне наступнага перыяду вызначыўся Ілля Сансевіч, для якога гэтая шайба стала дэбютнай у лізе. Да фінальнай сірэны лік не змяніўся, у выніку 2:0 на карысць «шыннікаў».

Хатнюю серыю падапечныя Яўгена Летава пачалі з перамогі над «Тайфунам» у мінулую суботу (5:2). Далей юныя дынамаўцы, якія з цяперашняга сезона выступаюць у «Залатым» дывізіёне Заходняй канферэнцыі МХЛ, згуляюць з «Амурскімі Тыграмі» з Хабараўска. Сустрэча пройдзе на «Бабруйск-Арэне» 13 верасня.

БЕЛТА