Хакеісты «Дынама-Шынніка» выйгралі трэці матч запар у МХЛ

Бабруйскі клуб «Дынама-Шыннік» з перамогі пачаў другую хатнюю серыю матчаў у рэгулярным чэмпіянаце Маладзёжнай хакейнай лігі сезона-2025/26.

У нядзелю, 5 кастрычніка, нашы хлопцы прымалі падмаскоўны «Атлант». Госці адкрылі лік на 12-й хвіліне гульні, але незадоўга да адыходу на перапынак Дзмітрый Хобян аднавіў парытэт. У другім і трэцім перыядах «шыннікі» па разе выходзілі наперад намаганнямі Ягора Карабаня і Мікіты Паўлава, аднак сапернікі двойчы параўноўвалі лічбы. Сустрэча перайшла ў авертайм, дзе перамогу нашай камандзе прынёс дубль Хобян, які аформіў, - 4:3.

Гэтая вікторыя стала для «Дынама-Шынніка» трэцяй запар. Беларускі клуб займае шостае месца ў табліцы «Залатога» дывізіёна Заходняй канферэнцыі МХЛ, набраўшы 14 ачкоў у 10 матчах. Наступны паядынак на «Бабруйск-Арэне» падапечныя Яўгена Летава правядуць 8 кастрычніка супраць «АКМ-Юніёра» з Тулы.

БЕЛТА