XXVII Міжнародны форум па інфармацыйна-камунікацыйных тэхналогіях «ТІБО-2021» прайшоў 1–4 чэрвеня ў Мінску. У межах мерапрыемства назвалі пераможцаў і прызёраў «Інтэрнэт-прэміі». Сайт Магілёўскага аблвыканкама (распрацоўшчык – Магілёўскі рэгіянальны інфармацыйны цэнтр) заняў другое месца сярод інтэрнэт-рэсурсаў гарадскіх, абласных і раённых выканаўчых камітэтаў.
Ад калектыву МРІЦ хацелася б сказаць дзякуй усім, хто прымаў удзел у фарміраванні кантэнту партала: структурным падраздзяленням аблвыканкама, рэгіянальным арганізацыям, установам і прадпрыемствам, сродкам масавай інфармацыі і, вядома ж, неабыякавым наведвальнікам сайта. Дзякуючы вам рэсурс штодня ўдасканальваецца і становіцца лепшым, пацвярджаючы не новую ісціну: там, дзе ёсць каманда і людзі, якія гараць сваёй працай, ёсць вынік.
Таксама віншуем нашых калег –Магілёўскі гарвыканкам і Магілёўскі абласны цэнтр інфармацыйных сістэм са спецыяльным дыпломам «Інтэрнэт-прэміі». Далейшых поспехаў у працы і новых дасягненняў!
Даведачна
Сёлета арганізатары прэміі атрымалі 502 заяўкі. Для параўнання, у 2019 годзе (у 2020 годзе конкурс не праводзіўся) было заяўлена 485 рэсурсаў. З’явіліся новыя намінацыі: «Карпаратыўная благасфера», «Навакольнае асяроддзе і зялёная энергія». Конкурс на самы лепшы беларускі інтэрнэт-рэсурс павадзіўся па 12 асноўных намінацыях.
Найлепшым інтэрнэт-рэсурсам рэспубліканскіх органаў дзяржаўнага кіравання прызнаны інфармацыйны партал Міністэрства сувязі і інфарматызацыі. Другое месца члены журы прысудзілі адразу двум намінантам: сайту Міністэрства замежных спраў і сайту Міністэрства энергетыкі. Трэцяе месца паміж сабой падзялілі сайт мытных органаў і Фонд сацыяльнай абароны насельніцтва Міністэрства працы і сацыяльнай абароны.
Сярод інтэрнэт-рэсурсаў гарадскіх, абласных і раённых выканаўчых камітэтаў першае месца прысуджана сайту Віцебскага аблвыканкама, другое – сайтам Гомельскага і Магілёўскага аблвыканкамаў. На трэцім радку размясціліся Бярэзінскі і Барысаўскі і райвыканкамы.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 12:13
Аляксандр Лукашэнка: асноўную рэальную рызыку для Беларусі стварае гарачая кропка ва Украіне
24.04.2024 - 14:34
«Гэта эвалюцыйнае развіццё». Аляксандр Лукашэнка на УНС аб новым этапе ў палітычным жыцці краіны
24.04.2024 - 09:07
Час выбраў нас! Усебеларускі народны сход пройдзе 24-25 красавіка ў Палацы Рэспублікі
23.04.2024 - 12:43
На пасадзе намесніка старшыні Магілёўскага аблвыканкама зацверджаны Алег Стэльмашок
20.04.2024 - 16:06