Райспажыўтаварыствы вобласці нарыхтавалі больш за 70 тон чарніц. Пра гэта паведаміў начальнік аддзела нарыхтовак, знешнеэканамічнай дзейнасці і рынкаў Магілёўскага аблспажыўсаюза Аляксей Сіроцін.
У гэтым сезоне каштоўная лясная ягада саспела пазней, чым звычайна. Таму нарыхтоўка цяпер у самым разгары. Яе вядуць у пяці раёнах рэгіёна. Лідзіруюць па аб’ёмах Глускі, Асіповіцкі і Кіраўскі. Чарніцы ў насельніцтва прымаюць сельскія магазіны. Закупачная цана на ягаду – 3 рублі 80 капеек за кілаграм.
Райспажыўтаварыствы пастаўляюць свежыя ягады на буйныя рынкі: у Магілёў, Бабруйск і Мінск. Акрамя таго, чарніцы замарожваюць. У Глускім райспажыўтаварыстве ёсць уласны цэх. Замарожаную лясную ягаду гатовыя экспартаваць. Зараз шукаюць рынкі збыту і заключаюць дагаворы.
Адначасова кааператары вобласці прымаюць ад насельніцтва таматы, капусту, чырвоную і чорную парэчку.
Пры выкарыстанні матэрыялаў актыўная гіперспасылка на mogilev-region.gov.by абавязковая
16.07.2024 - 11:22
Аграрыі Магілёўскай вобласці намалацілі 118,1 тыс.тон збожжавых і зернебабовых культур
15.07.2024 - 09:53
У ТАА «Быхаўскі кансервавы завод» ідзе ўборка зялёнага гарошку
12.07.2024 - 15:12
Фабрыка «Чырвоны харчавік» адкрыла фірмовую краму на «Славянскім базары» ў Віцебску
09.07.2024 - 10:52