06.04.2021 - 12:25

Жыхары Магілёўскай вобласці актыўна запісваюцца і робяць супрацькавідныя прышчэпкі. Як адзначаюць у абласным цэнтры гігіены, эпідэміялогіі і грамадскага здароўя, звыш 7 тыс. чалавек у рэгіёне атрымалі першы кампанент прышчэпкі расійскай вытворчасці і больш за 3,5 тыс. прышчапілася кітайскай вакцынай.

Сярод тых, хто прайшоў вакцынацыю, пастаяльцы ўстаноў з кругласутачным знаходжаннем, работнікі адукацыі, сацыяльнай абароны і аховы здароўя. Міністэрства аховы здароўя ў гэтым месяцы плануе пачаць масавую вакцынацыю насельніцтва. Усіх жадаючых атрымаць прышчэпку просяць звяртацца ў паліклінікі па месцы жыхарства для ўключэння ў спісы.

ТРК «Магілёў»