21.05.2020 - 09:38

На Магілёўшчыне каля 30% выпускнікоў школ паступаюць ва ўстановы прафесійнай адукацыі. Пра гэта паведамілі ў галоўным упраўленні па адукацыі аблвыканкама. І расказалі аб лічбах прыёму ў гэтым годзе.

У прафесійна-тэхнічныя навучальныя ўстановы плануюць набраць 3720 чалавек, у сярэднія спецыяльныя, падпарадкаваныя аблвыканкаму, гатовыя залічыць 2690 абітурыентаў.

Стала вядома аб новых спецыяльнасцях. Напрыклад, Магілёўскі эканамічны прафесійна-тэхнічны каледж пачне падрыхтоўку мерчэндайзераў. У Крычаўскім аграрна-тэхнічным каледжы з’явіцца спецыяльнасць «Аўтасэрвіс». А Магілёўскі прафесійны ліцэй № 7 першым у Беларусі сярод устаноў прафтэхадукацыі адкрые спецыяльнасць «Апаратчык выцяжкі». Кадры будуць рыхтаваць для прадпрыемства «Магілёўхімвалакно».

«Радыё Магілёў»