Рус Бел Eng 中文

Каманда Магілёўскай вобласці заняла другое месца на спартакіядзе «ТэхнаСпорт»

Каманда Магілёўскай вобласці заняла другое месца на XIX спартакіядзе навучэнцаў па тэхнічных відах спорту «ТэхнаСпорт» (авіямадэльны спорт). Пра гэта паведамілі ў галоўным упраўленні па адукацыі аблвыканкама.

Спаборніцтвы праходзілі 22–24 чэрвеня ў Салігорску. Каманду Прыдняпроўскага краю прадстаўляла 6 выхаванцаў абласнога цэнтра творчасці (трэнер-прадстаўнік Валерый Барысаў).

У выніку напружанай барацьбы ў камандным заліку спаборніцтваў па авіямадэльным спорце каманда Магілёўшчыны заняла другое месца, саступіўшы перамогу дзецям Міншчыны. Трэцімі сталі навучэнцы Гродзенскай вобласці.

Пераможцаў і прызёраў узнагародзілі дыпломамі, медалямі і кубкамі Міністэрства адукацыі.

Рэд.

Пры выкарыстанні матэрыялаў актыўная гіперспасылка на mogilev-region.gov.by абавязковая