Каманда Магілёўскай вобласці заняла трэцяе месца на Алімпійскіх днях моладзі Беларусі па настольным тэнісе

У Магілёве завяршыліся Алімпійскія дні моладзі Беларусі па настольным тэнісе сярод спартсменаў 2000 года нараджэння і маладзейшых.

У агульнакамандным заліку каманда Магілёўскай вобласці заняла трэцяе месца. У парным разрадзе ў дзяўчат Дар’я Кісель і Карына Падражанец выйгралі «золата». Акрамя таго, магілёўцы заваявалі «срэбра» ў камандным турніры дзяўчат і «бронзу» ў такіх жа спаборніцтвах юнакоў. Яшчэ адну бронзавую ўзнагароду Карына Падражанец выйграла ў асабістым заліку сярод дзяўчат. Дарэчы, у фінальнай частцы асабістых спаборніцтваў не ўдзельнічала лідар Магілёўскай каманды Дар’я Кісель, запрошаная на еўрапейскі юнацкі турнір ТОП-10, які 9–11 кастрычніка пройдзе ў Берліне (Германія).

Перамогу ў агульнакамандным заліку атрымалі тэнісісты Гродзенскай вобласці, на другім месцы мінчане.

mogilevnews.by