Каманды цэментных заводаў Магілёўскай вобласці пазмагаюцца за перамогу ў рэспубліканскім турніры па тарфяным футболе

II рэспубліканскі турнір па тарфяным (балотным) футболе сярод арганізацый тарфяной прамысловасці ДВА «Белпалівагаз» і арганізацый цэментнай галіны Беларусі пройдзе 19 верасня на базе ААТ «Торфабрыкетны завод Усяж», паведамілі ў прэс-службе Міністэрства энергетыкі.

Турнір прысвечаны 75-годдзю Перамогі ў Вялікай Айчыннай вайне.

У ім прыме ўдзел 15 каманд, у тым ліку тры, якія прадстаўляюць цэментныя заводы – ААТ «Крычаўцэментнашыфер», ААТ «Краснасельскбудматэрыялы» і ААТ «Беларускі цэментны завод».

Арганізатарамі мерапрыемства выступаюць ДВА «Белпалівагаз» і Рэспубліканскі камітэт прафсаюза Белэнергатапгазу. Тарфяны футбол адрозніваецца сваёй відовішчнасцю, бо праходзіць на балоце.

БЕЛТА