Рус Бел Eng 中文

Капітальны рамонт пяці аб’ектаў вядзецца на рэспубліканскіх дарогах Магілёўскай вобласці

Капітальны рамонт пяці маставых збудаванняў вядзецца ў цяперашні час на рэспубліканскіх дарогах Магілёўскай вобласці, паведамілі ў «Магілёўаўтадары».

Работы праводзяцца на пуцеправодзе на аўтамагістралі «М-8/Е95 мяжа Расійскай Федэрацыі (Езярышча) – Віцебск – Гомель–мяжа Украіны (Новая Гута) км 209,438» у Шклоўскім раёне. Завяршыць рамонт гэтага аб’екта плануецца ў жніўні бягучага года.

Будуць таксама капітальна адрамантаваныя мост праз раку Радэбка 83,708 км аўтамабільнай дарогі Р-123 Магілёў–Дрыбін– Горкі ў Шклоўскім раёне, пуцеправод на шашы М-4 Мінск–Магілёў (186,035 км), мост праз ручай на аўтамабільнай дарозе Р-43 у Слаўгарадскім раёне і мост праз раку на аўтадарозе Р-74 (Чэрыкаўскі раён). Увод гэтых аб’ектаў плануецца на верасень-кастрычнік.

mogilevnews.by

Пры выкарыстанні матэрыялаў актыўная гіперспасылка на mogilev-region.gov.by абавязковая