КДК Магілёўскай вобласці правёў маніторынг выканання ў рэгіёне даручэння кіраўніка дзяржавы аб навядзенні парадку на зямлі

Камітэтам дзяржкантролю Магілёўскай вобласці праводзіцца маніторынг ходу выканання ў рэгіёне даручэння кіраўніка дзяржавы аб навядзенні парадку на зямлі. Пра гэта паведаміў першы намеснік старшыні ведамства Дзмітрый Захараў.

Вынікі паказалі, што мясцовымі органамі ўлады Магілёўскай вобласці ў цэлым прымаюцца меры па падтрыманні належнага санітарнага стану зямель, добраўпарадкаванні тэрыторый і аб’ектаў арганізацый усіх формаў уласнасці. Разам з тым эфектыўнасць працы па навядзенні парадку на зямлі пакуль недастатковая, удакладніў суразмоўца.

Кантралёрамі ў студзені-чэрвені 2021 года парушэнні ў гэтай сферы (напрыклад, стыхійныя звалкі будаўнічых, бытавых і іншых адходаў, зарастанне зямель пустазеллем) выяўлены ў гарадах Магілёў, Бабруйск, Горкі, Асіповічы, Чавусы і Шклоў, у Бялыніцкім, Бабруйскім, Быхаўскім, Глускім, Горацкім, Кіраўскім, Клімавіцкім, Крычаўскім, Круглянскім, Магілёўскім, Асіповіцкім, Чавускім, Чэрыкаўскім і Шклоўскім раёнах.

Таксама Камітэтам устаноўлены неэфектыўна выкарыстоўваемыя суб’ектамі гаспадарання зямельныя ўчасткі, на якіх размешчаны патэнцыйна небяспечныя аб’екты нерухомасці.

Па выніках кантролю зацікаўленым унесены адпаведныя рэкамендацыі, іх выкананне ўзята на кантроль.

Рэд.