КДК праверыў камунальнае прадпрыемства «Бабруйскі футбольны клуб «Белшына»

На пасяджэнні калегіі Камітэта дзяржкантролю Магілёўскай вобласці разгледжаны матэрыялы праверкі фінансава-гаспадарчай дзейнасці камунальнага спартыўнага ўнітарнага прадпрыемства «Бабруйскі футбольны клуб «Белшына»». Пра гэта паведаміў намеснік старшыні камітэта Аляксей Іглікаў.

Як паказалі вынікі, у апошнія гады клуб сістэматычна не забяспечваў дасягненне запланаваных эканамічных і спартыўных вынікаў, па прычыне неабдуманых трансферных здзелак панёс значныя фінансавыя страты.

Кантралёры выявілі таксама парушэнні пры вядзенні бухгалтарскага ўліку, здачы маёмасці ў арэнду, нямэтавае выкарыстанне падтрымкі з розных крыніц на агульную суму больш за Br100 тыс., незварот узятых у камунальных арганізацый Бабруйска фінансавых пазык і інш.

Матэрыялы праверкі перададзены ў праваахоўныя органы. Выкананне ўнесеных прапаноў узята камітэтам на кантроль.