Кіраўнікам прадпрыемстваў Магілёўскай вобласці аб’яўлена Падзяка Прэзідэнта за развіццё АПК

Падзяка Прэзідэнта Беларусі за шматгадовую плённую працу, высокі прафесіяналізм, значны асабісты ўклад у развіццё аграпрамысловага комплексу аб’яўлена васьмі работнікам прадпрыемстваў і мясцовых органаў улады. Адпаведнае распараджэнне падпісаў кіраўнік дзяржавы Аляксандр Лукашэнка, як паведамілі ў прэс-службе беларускага лідара.

У прыватнасці, узнагароды ўдастоены кіраўнікі прадпрыемстваў нашай вобласці: ААТ «Магілёўскі мясакамбінат» Сяргей Любянкоў, ААТ «Булачна-кандытарская кампанія “Дамачай”» Наталля Падлесных і ААТ «Бабушкина крынка» – кіруючая кампанія холдынгу «Магілёўская малочная кампанія “Бабушкина крынка”» Генадзь Скітаў.