ААТ «Крычаўцэментнашыфер» за студзень-лістапад павялічыла экспарт прадукцыі на 11%. Пра гэта паведамляецца на афіцыйным Telegram-канале холдынгу «Беларуская цэментная кампанія».
«Па выніках працы прадпрыемства за студзень-лістапад прырост назіраецца практычна па ўсіх найважнейшых паказчыках працы. Так, у асноўны капітал інвеставана амаль Br2 млн, гэта на 24% больш, чым за аналагічны перыяд мінулага года. Экспарт павялічыўся на 11%, склаўшы без малога $30 млн, сярэднямесячная заработная плата ўзрасла на 14%», – гаворыцца ў паведамленні.
ААТ «Крычаўцэментнашыфер» уваходзіць у склад холдынгу «Беларуская цэментная кампанія» і з’яўляецца адным з найбуйнейшых прадпрыемстваў у краіне па вытворчасці будматэрыялаў. Гадавыя магутнасці «Крычаўцэментнашыфера» – 1,572 млн т цэменту, вытворчасць загружана на 100%. Уся прадукцыя прадпрыемства сертыфікавана па беларускай нацыянальнай сістэме сертыфікацыі, а таксама ў Расіі, Украіне і краінах Еўрасаюза. З 2013 года завод вырабляе цэмент сухім спосабам. На новай лініі ўстаноўлена высокатэхналагічнае абсталяванне, якое дазваляе атрымліваць прадукцыю высокай якасці.
Асноўныя спажыўцы прадукцыі – будаўнічыя і рамонтна-будаўнічыя арганізацыі, домабудаўнічыя камбінаты, заводы жалезабетонных вырабаў і сілікатных матэрыялаў, гандлёвыя арганізацыі Беларусі, Расіі, Польшчы. У акцыянернае таварыства ўваходзіць шэсць філіялаў у Брэсцкай, Віцебскай, Гомельскай, Мінскай і Магілёўскай абласцях.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 16:38
За апошнія пяць гадоў у эканоміку Магілёўскага раёна прыцягнута два мільярды рублёў інвестыцый
22.04.2024 - 10:15
«Бабруйскаграмаш» правёў выпрабаванне навінкі - культыватара КМП-10
15.04.2024 - 16:22
Першыя ўраджаі таматаў збіраюць у Кіраўскім «Рассвете» (відэа)
15.04.2024 - 09:35