18.02.2026 - 12:41

Мастацкі музей імя П.У. Масленікава запрашае ўсіх на «Музейныя сустрэчы па выхадных».

Так у суботу, 21 лютага, пройдзе музейны занятак «Жыццё і творчасць Л.Д. Шчамялёва» (12+). Наведвальнікі пазнаёмяцца з жыццём і творчасцю цудоўнага чалавека, народнага мастака Беларусі акадэміка жывапісу Беларускай акадэміі выяўленчага мастацтва, лаўрэата шматлікіх узнагарод Леаніда Дзмітрыевіча Шчамялёва. Падчас заняткаў гасцям раскажуць пра асноўныя жанры выяўленчага мастацтва ў творчасці мастака, грунтуючыся на мастацкія творы музея Масленікава і іншых музеяў краіны.


У нядзелю, 22 лютага, пройдзе экскурсія па новай пастаянна дзеючай экспазіцыі «Выяўленчае мастацтва Прыдняпроўскага краю» (12+), дзе супрацоўнікі музея пакажуць больш за сто твораў мастацтва, якія ахопліваюць перыяд з 20-х гадоў мінулага стагоддзя да сучаснасці. Гэта працы выдатных майстроў, чыё жыццё і творчасць непарыўна звязаны з Магілёўскай зямлёй.


Папярэдні запіс у буднія дні па тэлефонах: 8 (0222) 62-24-25, 8 (0222) 71-17-49.

Рэд.