30.03.2026 - 09:50

У Сусветны дзень тэатра, 27 сакавіка, у Магілёве завяршыўся XIX Міжнародны маладзёжны тэатральны форум «M.@rt.кантакт». На працягу тыдня на фестывальных пляцоўках горада паказалі 17 пастановак з трох краін – Беларусі, Расіі і Казахстана.

У гэты дзень са святам усіх датычных павіншавала старшыня экспертнай рады (журы), заслужаны дзеяч мастацтваў Рэспублікі Беларусь, рэжысёр Нацыянальнага акадэмічнага драматычнага тэатра імя М. Горкага, выкладчык Беларускай дзяржаўнай акадэміі мастацтваў Валянціна Еранькова.Яна ж агучыла імёны пераможцаў у сваёй катэгорыі.


Так, лепшым спектаклем форуму на думку прафесійнага журы стаў спектакль «Лада, або радасць», Тэатр–студыя «Невялікі драматычны тэатр» (г. Санкт–Пецярбург, Расія), рэжысёр Яўген Карпаў.


Спецыяльных дыпломаў прафесійнага журы таксама былі ўдастоены:

спектакль «Насферату», Пермскі тэатр «Век жыцця» (г. Перм, Расія), рэжысёр Андрэй Малянаў – «За захаванне спадчыны Мікалая Каляды»;


спектакль «Чорныя дошкі», Уладзімірскі акадэмічны абласны драматычны тэатр (г. Уладзімір, Расія), рэжысёр Уладзімір Кузняцоў – «За лепшы акцёрскі ансамбль»;


спектакль «Чэхаў. Вадэвілі», Дзяржаўны рускі драматычны тэатр імя Ф.М. Дастаеўскага (г. Семей, Казахстан), рэжысёр Рача Махатаеў – «За выдатны ўклад у развіццё тэатральных сувязей Беларусі і Казахстана»;


спектакль «Заўтра была вайна», Ульянаўскі маладзёжны тэатр імя Б.У. Аляксандрава (г. Ульянаўск, Расія), рэжысёр Аляксей Храбскоў – «За актуальнае ўвасабленне ваеннай тэматыкі ў сучасным тэатры»;


спектакль «Хутар», Беларускі дзяржаўны тэатр лялек (г. Мінск, Беларусь), рэжысёр Яўген Карняг – «За лепшую сцэнаграфію»;


спектакль «Чайка», Магілёўскі абласны драматычны тэатр (г. Магілёў, Беларусь), рэжысёр Каміля Хусаінава – «За яркае рэжысёрскае рашэнне»;

спектакль «Дама з сабачкам», Маскоўскі Губернскі тэатр (г. Масква, Расія), рэжысёр Ала Рашэтнікава – «За трапяткое ўвасабленне рускай класікі»;


спектакль «Пікавая дама», Смаленскі камерны тэатр (г. Смаленск, Расія), рэжысёр Пётр Арлоў – «За стварэнне яркага, выразнага вобраза графіні Ганны Фядотаўны – актрыса Надзея Трапезнікава».


Прадстаўнік маладзёжнага журы форуму, студэнт Расійскага інстытута тэатральнага мастацтва ГІТІС Міхаіл Асееў таксама выказаў цёплыя словы віншаванняў і падзякаваў усім, хто мае дачыненне да стварэння форуму і яго ўдзельнікам: «Дзякуй, што ў сённяшні няпросты час вы выбіраеце жывую сустрэчу чалавека з чалавекам. Мне здаецца, гэта самае галоўнае», – адзначыў ён.


Лепшым спектаклем форуму на думку маладзёжнага журы стаў спектакль «Хутар», Беларускі дзяржаўны тэатр лялек (г. Мінск, Беларусь), рэжысёр Яўген Карняг.

Спецыяльных дыпломаў маладзёжнага журы ўдастоены:

спектакль «Лада, або радасць», Тэатр–студыя «Невялікі драматычны тэатр» (г. Санкт–Пецярбург, Расія), рэжысёр Яўген Карпаў – «За лепшы акцёрскі ансамбль»;

спектакль «Заўтра была вайна», «Ульянаўскі маладзёжны тэатр імя Б.У. Аляксандрава» (г. Ульянаўск, Расія), рэжысёр Аляксей Храбскоў – «За шматграннае выказванне»;

спектакль «Яўген Анегін», Арлоўскі дзяржаўны акадэмічны тэатр імя І.С. Тургенева (г. Арол, Расія), рэжысёр Таццяна Дрэмава – «За маладзёжнае прачытанне класікі»;


спектакль «Чэхаў. Вадэвілі», Дзяржаўны рускі драматычны тэатр імя Ф.М. Дастаеўскага (г. Семей, Казахстан), рэжысёр Рача Махатаеў – «За глыбіню, схаваную ў яркай тэатральнай умоўнасці»;

спектакль «Ганна. Сны», Арлоўскі дзяржаўны тэатр для дзяцей і моладзі «Свабодная прастора» (г. Арол, Расія), рэжысёр Канстанцін Мішын – «За смеласць эксперымента».


Прыз сімпатый гледачоў аб'явіла дырэктар Магілёўскага абласнога драматычнага тэатра Вольга Кузняцова. Гэтай узнагароды быў удастоены спектакль «Дама з сабачкам», Маскоўскі Губернскі тэатр (г. Масква, Расія), рэжысёр Ала Рашэтнікава.


Міжнародны маладзёжны тэатральны форум «M.@rt.кантакт» чарговы раз пацвердзіў статус адной з ключавых прафесійных пляцовак для маладых рэжысёраў і акцёраў. Высокі ўзровень прадстаўленых пастановак, геаграфія ўдзельнікаў і ўстойлівая цікавасць аўдыторыі гледачоў вызначылі поспех фестывальнай праграмы. Як адзначылі ў час форуму арганізатары, юбілейны XX форум, правядзенне якога запланавана на 2027 год, прадоўжыць развіццё творчых сувязей і знаёмства магілёўскай публікі з лепшымі ўзорамі сучаснага маладзёжнага тэатра розных краін.


Юлія Таранава, фота Галіны Гаўрыловіч