ПереводчикПерфоманс на вуліцы і арт-пляцоўка ў тэатры: якім будзе адкрыццё «M.@rt.кантакт» сёлета
Якім будзе адкрыццё маладзёжнага тэатральнага форуму «M.@rt.кантакт» у гэтым годзе, расказалі арганізатары падчас прэс–канферэнцыі «Роля мастацтва ва ўмацаванні міжкультурнага дыялога: правядзенне ХIХ Міжнароднага маладзёжнага тэатральнага форуму «M.@rt.кантакт».
Маладзёжны тэатральны форум пройдзе ў Магілёве з 20 па 27 сакавіка. У яго афішы 17 спектакляў ад тэатральных калектываў Беларусі, Расіі і Казахстана.
Па традыцыі, арганізатары рыхтуюць сюрпрызы для гледачоў у дзень адкрыцця маштабнай тэатральнай падзеі.
«У дзень адкрыцця форума на вуліцы да пачатку ўрачыстай часткі пройдзе перфоманс. У ім будуць задзейнічаныя артысты тэатра, навучэнцы Магілёўскага каледжа мастацтваў і горад», – распавяла дырэктар Магілёўскага абласнога драматычнага тэатра Вольга Кузняцова.
Пасля гэтага гасцей запросяць у Магілёўскі абласны драматычны тэатр. «Мы падрыхтавалі арт–пляцоўку з тэматычнымі экспазіцыямі, якія дапамогуць акунуцца ў атмасферу свята. А ўжо потым на сцэне пройдзе ўрачыстая цырымонія адкрыцця», – сказала яна.
Адкрыццё форуму пройдзе 20 сакавіка на вялікай сцэне Магілёўскага абласнога драматычнага тэатра а 18.30. Пасля гэтага гледачы змогуць паглядзець пастаноўку «Яўген Анегін».