Прэм'ерай вядомага рэжысёра адзначыць свой дзень нараджэння Магілёўскі драмтэатр

Прэм'ера спектакля «Тры Мушкецёры» ў пастаноўцы вядомага рэжысёра Ігара Казакова адбудзецца ў Магілёўскім абласным драматычным тэатры 15 мая. Пра гэта расказалі ва ўстанове культуры.

Як адзначылі суразмоўцы, прэм'ера паводле Аляксандра Дзюма пройдзе ў дзень нараджэння тэатра. Гледачоў чакае не паказ у двух дзеяннях і фотасесія ў дэкарацыях спектакля.

Інсцэніроўка Ігара Казакова, мастак – Кацярына Шымановіч, кампазітар – Леанід Паўлёнак.

Дарэчы, пастаноўку можна будзе паглядзець яшчэ 16 і 30 траўня.

Даведачна: Ігар Казакоў – вядомы беларускі рэжысёр, майстар тэатра лялек, які атрымаў прызнанне за свае смелыя і наватарскія пастаноўкі. Больш за 10 гадоў ён працаваў галоўным рэжысёрам Магілёўскага абласнога тэатра лялек, дзе паставіў каля 20 спектакляў, а таксама працаваў у Сучасным мастацкім тэатры (Мінск). Яго працы характарызуюцца глыбокім псіхалагізмам, выкарыстаннем лялек для дарослай аўдыторыі і ўдзелам у прэстыжных тэатральных фестывалях, уключаючы намінацыі на «Залатую маску».

Рэд.