24.03.2026 - 10:40

У чацвёрты дзень XIX Міжнароднага маладзёжнага тэатральнага форуму «M.@rt.кантакт», які праходзіць у Магілёве з 20 па 27 сакавіка, на сцэне прадстаўлены два спектаклі.


Адным з іх стала пастаноўка «Прыгажуня» Санкт–Петербургского тэатра юных гледачоў імя А.А.Бранцава, аўтара і рэжысёра Цімура Кулова. Якая была паказана на сцэне абласнога тэатра лялек. Пастаноўка прымеркавана да 80–годдзя Вялікай Перамогі і заснавана на рэальных падзеях. У цэнтры сюжэту – гісторыя наглядчыцы Ленінградскага заапарка, якая ў гады блакады здзяйсняе ціхі подзвіг, ратуючы двухтоннага бегемота па мянушцы Прыгажуня. Гераіня штодня цягае ваду з канала, нарыхтоўвае пілавінне для корму і падчас абстрэлаў знаходзіцца побач з жывёлай, якая панічна баіцца выбухаў. Гэта камерны, кранальны спектакль аб шляху ад цемры да святла, аб надзеі і бясконцым імкненні да жыцця.


У гэты ж дзень у абласным драматычным тэатры была прадстаўлена пастаноўка «Хутар» Беларускага дзяржаўнага тэатра лялек. Спектакль створаны паводле аповесці Васіля Быкава «Знак бяды» рэжысёрам Яўгенам Карнягом. У цэнтры сюжэту – гісторыя хутара Сцепаніды і Петрака, дзе перасякаюцца жорсткія рэаліі ваеннага часу. Героі, якія апынуліся на грані жыцця і смерці, здзяйсняюць складаны маральны выбар, які расчыняе глыбінныя грані чалавечай душы.


Паказы тэатральных пастановак суправаджаюцца актыўным абмеркаваннем удзельнікамі міжнароднага форума. Перад пачаткам чацвёртага дня прадстаўнікі Кітайскай Народнай Рэспублікі, якая ўваходзіць у склад гасцей фестывалю, падзяліліся ўражаннямі аб спектаклях, прадстаўленых у першыя тры дні.

Дырэктар па сувязях з грамадскасцю Пекінскага гарадскога цэнтра выканальніцкіх мастацтваў Дохуа Ван Цзелінь адзначыла, што рада прымаць удзел у тэатральным форуме.

«Атмасфера вельмі добрая на форуме. Цешыць магчымасць пагутарыць з прафесіяналамі і паглядзець пастаноўкі, – адзначае яна. – Усе прагледжаныя п'есы зусім розныя і па фармаце, і па стылі. Мы ўжо паглядзелі спектаклі трох дзён форума і яны прынеслі нам зусім розныя эмоцыі, складана вылучыць якую–та адну пастаноўку.


Мы ўпершыню прымаем удзел у гэтым тэатральным форуме, упершыню наведваем Магілёў і вашу краіну. І мы спадзяемся, што ўсе далейшыя пастаноўкі будуць такімі ж зусім рознымі і прынясуць культурны вопыт, прадстаўлены тэатрамі з розных краін, культурны бэкграўнд.

Наша дзейнасць напрамую звязана са светам мастацтва. І мы вельмі спадзяемся, што кітайская трупа ў наступным годзе зможа сюды прыехаць паказаць сваё выступленне. Таму што сцэна – гэта месца без межаў, адпаведна, для людзей розных культур. І з дапамогай сцэны і ўяўленняў, як раз, людзі могуць мець зносіны. Нават калі ты не разумееш нейкую мову, то сцэна, выступ, эмоцыі – гэта тое, што дапамагае зразумець культуру краіны. Мы вельмі шануем гэтую магчымасць культурных зносін. Міжнародны форум і пляцоўка – якраз і ёсць месца дыялогу культур і абмену вопытам. Таму вельмі цікава паглядзець на культуру іншых краін, незалежна ад іх мовы і бэкграўндаў. Гэта дыялог краін, культур і эпох, якія мы можам тут убачыць».


Юлія Таранава, фота Галіны Гаўрыловіч

Теги