16.02.2026 - 09:56

У Магілёўскім абласным драматычным тэатры 13 лютага паказалі прэм'ерны спектакль «Трыбунал» паводле вядомай п'есы класіка беларускай літаратуры Андрэя Макаёнка. Яго рэжысёрам выступіла Каміля Хусаінава, рэжысёр-пастаноўшчык тэатра.


Дзеянне на сцэне разгортваецца ў 1942 годзе ў беларускай вёсцы, акупаванай нямецкімі войскамі, роўна як і ў п'есе Андрэя Макаёнка. У адным з дамоў жыве сям'я пастуха Цярэшкі: яго малодшы сын Валодзька, нявестка Надзейка і Паліна - жонка Цярэшкі. Аднойчы Цярэшка прыносіць вестку пра тое, што яго прызначылі старастам і зараз ён будзе служыць нямецкаму ўпраўленню. Класічная пастаноўка разведзена метафарамі, якія прымушаюць гледача задумацца аб дабры і зле, жорсткасці і пакоры.


Над спектаклем працавала рэжысёр-пастаноўшчык тэатра Каміля Хусаінава, якая прыўнесла ў вядомы твор сваё бачанне і почырк. Гледачы ацанілі спектакль. Магіляўчанка Таццяна пад уражаннем ад беларускай класікі:

- Спачатку глядзіш спектакль - і перад табой камедыя пра тыповую сельскую сям'ю, з яе ўкладам, дзе ёсць месца тонкаму гумару і вялікага кахання паміж мужам і жонкай, дзецьмі, роднымі. У артыстаў характэрныя ролі, ты верыш кожнаму. Такое пачуццё, што перад табой вядомая сям'я суседзяў з роднай вёскі. Але кульмінацыя спектакля прабірае і кранае да глыбіні душы. Таму і жанр спектакля - трагікамедыя. Абавязкова буду рэкамендаваць пастаноўку сваім знаёмым. Тэма Вялікай Айчыннай вайны, у якой было столькі мук і пакут, не павінна забывацца.


 СБ