Выстава «Мой Дагестан» адкрыецца ў Магілёве 17 красавіка

Выстава «Мой Дагестан» урачыста адкрыецца 17 красавіка ў абласным краязнаўчым музеі. Пра гэта расказалі ва ўстанове культуры.

У склад вернісажа ўвайшлі больш за 200 сапраўдных самабытных артэфактаў, складаецца з двух раздзелаў: традыцыйная культура і побыт народаў Дагестана, а таксама фотавыстава «Выдатны вобраз гаранкі».

«Экспазіцыя распавядзе пра традыцыі, побыт і рамёствы народаў, якія стварылі адзіны сплаў сапраўды фенаменальнага культурнага багацця Дагестана, – распавялі ў музеі. – На выставе будуць прадстаўлены дэталі архітэктурнага дэкору горскага жылля, віды паселішчаў, традыцыйныя касцюмы, якія ярка ілюструюць разнастайнасць і адрозненні ў адзенні розных этнічных груп Дагестана, калекцыя залаташвейных вырабаў, унікальная «кайтагская вышыўка», зброя, прадметы прыкладнога мастацтва.

Выставу дапаўняюць акварэльныя і жывапісныя работы дагестанскіх мастакоў, дзе ярка вылучаюцца палотны Джэмала Муэтдзіна–Арабі (1900 – 1960). Майстар пэндзля шмат увагі надаў традыцыйнаму касцюму.

Дэманстрацыя дагестанскай творчасці пройдзе на дзвюх выставачных пляцоўках: з 14 па 16 красавіка ў Магілёўскім абласным метадычным цэнтры народнай творчасці і культурна–асветнай работы (г. Магілёў, Пушкінскі праспект, 7), з 17 красавіка па 15 чэрвеня ў Магілёўскім абласным краязнаўчым музеі. А.Р.Раманава (г. Магілёў, плошча Славы, 1).

Урачыстае адкрыццё выставы адбудзецца 17 красавіка ў абласным краязнаўчым музеі а 16–й гадзіне.

Рэд.