Культурнае супрацоўніцтва ўстаноўлена паміж установамі Магілёўскай і Амурскай абласцей.

Пагадненні аб культурным супрацоўніцтве паміж «Магілёўскім абласным метадычным цэнтрам народнай творчасці і культурна-асветнай працы» і дзяржаўнай аўтаномнай установай культуры Амурскай вобласці «Амурскі абласны Дом народнай творчасці» падпісалі ўчора ў Мінску кіраўнікі ўстаноў Алег Хмялькоў і Ганна Філаненка. Пра гэта паведамілі ў Магілёўскім абласным метадычным цэнтры.

Як расказалі субяседнікі, падпісанне дакумента дасць магчымасць у далейшым стварыць спрыяльныя ўмовы для супрацоўніцтва ў галіне захавання і развіцця традыцыйнай культуры і культурных традыцый абодвух бакоў, развіцця самадзейнай народнай творчасці ў яе жанравай разнастайнасці, культурнага абмену розных відаў культурнай дзейнасці.

«Варта адзначыць, што Магілёўскі абласны метадычны цэнтр народнай творчасці актыўна супрацоўнічае з установамі культуры Расейскай Федэрацыі, - адзначылі суразмоўцы. - На сённяшні дзень падпісаны 19 пагадненняў аб культурным супрацоўніцтве з рэгіёнамі краіны-суседкі».

Рэд., фота прадстаўлены Магілёўскім абласным метадычным цэнтрам народнай творчасці і культурна-асветнай працы