Культурнай сталіцай Беларусі ў 2022 годзе абраны горад Орша

Культурнай сталіцай Беларусі ў 2022 годзе абраны горад Орша. Такое рашэнне прынята на пасяджэнні калегіі Міністэрства культуры, якое прайшло ў Бялынічах.

За ганаровы статус сёлета змагаліся горад Кобрын Брэсцкай вобласці, МазырГомельскай, Іўе і Навагрудак Гродзенскай, Мсціслаў Магілёўскай вобласці.

Рэспубліканская акцыя «Культурная сталіца года» праводзіцца Міністэрствам культуры з 2010 года.

Галоўная мэта –пазнаёміць жыхароў краіны з найлепшымі дасягненнямі нацыянальнай культуры, прывабіць айчынных і замежных турыстаў у рэгіёны. Першым статус культурнай сталіцы Беларусі ў 2010 годзе атрымаў горад Полацк. У 2013 годзе ён быў прысвоены гораду Магілёву.

mogilevnews.by