Акцябраты Магілёўшчыны 16 мая прымуць удзел у спартыўна-патрыятычнай гульні «Зарнічка». Мерапрыемства прысвечана перамозе савецкага народа ў Вялікай Айчыннай вайне і 75-годдзю вызвалення Рэспублікі Беларусь ад нямецка-фашысцкіх захопнікаў, паведаміла старшыня Магілёўскага абласнога савета ГА «Беларуская рэспубліканская піянерская арганізацыя» Алена Малдаванава.
Паводле слоў суразмоўніцы, на базе абласнога цэнтра творчасці (пр. Міру, 23а) у 11.00 збяруцца дзеці ва ўзросце 9-10 гадоў. Прычым кожны атрад прадставіць пэўны род войскаў з адпаведнай эмблемай.
Камандам, у склад якіх увойдзе па 5 хлопчыкаў і дзяўчынак, трэба выканаць шэраг заданняў. Падчас агляду строю акцябрацкіх груп «Будзь гатовы!»канкурсантам неабходна прадставіць атрад, прадэманстраваць узровень страявой падрыхтоўкі, выканаць песню. Не апошнюю ролю ў ацэнцы дружыны сыграюць дзеянні камандзіра і знешні выгляд акцябрат.
На паласе перашкод арганізатары падрыхтавалі для дзяцей сапраўдны курс маладога байца. У «Павуцінні» ўдзельнікі па чарзе будуць прапаўзаць па-пластунску пад абмежаваннем. Купіны дапамогуць зарнічкам пераадолець «Багну».
У форме пазнавальнага бліц-тэсту пройдзе спаборніцтва «Маленькія грамадзяне вялікай краіны».
Гульня «Зарнічка» накіравана на ўдасканаленне форм работы з акцябратамі і ўцягванне ў дзейнасць арганізацыі праз сістэму «акцябронак – піянер – старэйшы піянер». Спаборніцтвы праводзяцца з мэтай выхавання пачуцця патрыятызму, фізічнага развіцця малодшых членаў піянерскай арганізацыі, фарміравання здаровага ладу жыцця з дапамогай рухомай гульнявой дзейнасці і далучэння да заняткаў ваенна-прыкладнымі відамі спорту.
Пры выкарыстанні матэрыялаў актыўная гіперспасылка на mogilev-region.gov.by абавязковая
19.04.2024 - 09:00
Больш за 50 юных патрыётаў з Беларусі і Расіі спаборнічалі ў Магілёве
15.04.2024 - 16:39
Міжнародную інтэлектуальную гульню «Космас побач» правялі грамадскія арганізацыі Бабруйска і Тальяці
15.04.2024 - 10:22
Удзельніца «Цягніка Памяці – 2022»: праект дапамог зірнуць на многія рэчы па-іншаму
12.04.2024 - 14:46
Больш за 6 тыс. маладых людзей Магілёўскай вобласці будуць працаваць у студатрадах
11.04.2024 - 16:44