Леанід Мартынюк: якасці падрыхтоўкі рэзерву кадраў неабходна надаваць асаблівую ўвагу

У сістэмнай рабоце з кадравым рэзервам асаблівую ўвагу неабходна ўдзяляць якасці падрыхтоўкі рэзервістаў. Такой думкай з журналістамі падзяліўся памочнік Прэзідэнта - інспектар па Магілёўскай вобласці Леанід Мартынюк на пасяджэнні конкурснай камісіі па фарміраванні рэзерву кіруючых кадраў у Магілёўскім гарвыканкаме.

«Сістэмная праца з кадравым патэнцыялам, выбудаваная ў рэгіёне, патрабуе сталага кантакту і сустрэч з тымі людзьмі, якія знаходзяцца ў рэзерве. Асаблівую ўвагу ўдзяляем маладым і перспектыўным людзям, якія ў будучым могуць прыйсці на змену тым ці іншым кіраўнікам. Кожны з іх разумее, што выхаванне моладзі і фарміраванне яе з пункту гледжання прафесійных якасцей выходзіць на першы план, - адзначыў ён. - Кадравая палітыка ў краіне актыўна развіваецца, мяняюцца падыходы, з'яўляюцца новыя шляхі вырашэння прывычных задач. І гэтае патрабаванне часу».

Сістэматычная праца з кадравым патэнцыялам, асабліва з моладдзю, ужо дае свае вынікі. «У такіх дыялогах, у такіх зносінах мы бачым, як раскрываюцца маладыя людзі. Мы бліжэй знаёмім іх з працай кіраўнікоў, прадстаўнікоў мясцовай вертыкалі ўлады. І яны прасякаюцца ідэямі, гэтай працай. Яны бачаць стыль працы чыноўнікаў, іх падыходы. Усё гэта ў комплексе дае станоўчыя вынікі, - падкрэсліў Леанід Мартынюк. - Людзі па-іншаму пачынаюцца ставіцца да пэўных відаў работ, мяняецца і іх светапогляд».

Выхаванне патэнцыйнага кіраванца - справа не аднаго года. «Гэтая праца павінна весціся ў школе, вышэйшай навучальнай установе, на першым працоўным месцы. І тут неабходна асаблівую ўвагу ўдзяляць якасці падрыхтоўкі будучых рэзервістаў. Закладзеныя чалавечыя і прафесійныя якасці ў кожным з прадстаўнікоў рэзерву кадраў - гэта будучыня нашай краіны», - падкрэсліў ён. Адказнасць, прафесіяналізм, лідэрскія і кіраўнічыя якасці, любоў да сваёй справы і сваёй краіны - адметныя рысы тых, хто знаходзіцца ў рэзерве кадраў, лічыць памочнік Прэзідэнта - інспектар па Магілёўскай вобласці.

Такое паседжанне праходзіць у Магілёўскім гарвыканкаме ў трэці раз. Як адзначыў Леанід Мартынюк, такая сістэма работы з кадравым патэнцыялам выбудоўваецца ва ўсёй вобласці, на ўсіх узроўнях.

БЕЛТА