Леанід Заяц: шчыра рады, што меў магчымасць працаваць на зямлі, якая ўзгадавала першага Прэзідэнта нашай краіны

Пра гэта на сесіі Магілёўскага абласнога Савета дэпутатаў, дзе сёння Анатоль Ісачанка быў зацверджаны ў якасці старшыні Магілёўскага аблвыканкама, заявіў экс-губернатар рэгіёна Леанід Заяц. У першую чаргу ён падзякаваў прысутным за праведзеную сумесную працу:

– Я шчыра рады, што меў такую магчымасць – працаваць на той зямлі, якая ўзгадавала і выхавала першага Прэзідэнта нашай краіны. Паверце мне, што гэта няпростая ноша – пацвердзіць сваю значнасць на гэтай высокай пасадзе. Гэты адрэзак майго жыцця, маёй біяграфіі – самае каштоўнае, самае патаемнае, якое застанецца са мной на ўсё маё жыццё.

Леанід Заяц пажадаў Анатолю Ісачанку, каб рэгіён дасягнуў пераканаўчага эканамічнага росту, а ўсе працаўнікі – матэрыяльнага дабрабыту:

– І каб ніхто не сумняваўся ў правільнасці палітычнага курсу нашай дзяржавы.

СБ