Летам 2023 года плануецца аздаравіць з выкарыстаннем дзяржаўных сродкаў 46 тысяч 500 дзяцей, гэта амаль на 1,5 тысячы больш, чым за аналагічны леташні перыяд.
Як расказалі ў Магілёўскім абласным упраўленні Рэспубліканскага цэнтра па аздараўленні і санаторна-курортным лячэнні насельніцтва, у кругласутачных лагерах плануецца аздаравіць 18 тысяч 848 школьнікаў і 27 тысяч 652 - у дзённых. У спартыўна-аздараўленчых лагерах плануюць прайсці аздараўленне, сумяшчаючы трэніровачны працэс - 9081 навучэнец (2022 - 9141), што складае 19,5 % ад агульнай колькасці тых, хто аздараўляецца.
У летні аздараўленчы перыяд у рэгіёне будуць працаваць 15 стацыянарных кругласутачных лагераў і 3 арандаваных - на базе санаторыяў «Сосны», «Дубровенка», «Свіслач». А таксама больш за 500 дзённых, каля 100 профільных і лагераў працы і адпачынку.
У бягучым сезоне ў 7 лагерах плануецца арганізаваць 5 змен («Крыніца», «Мара», «Шчаткава», «Каласок», «Космас», «Сосны, «Дубровенка») (у 2022 годзе адпрацавалі 3 аздараўленчыя лагеры «Родник», «Мара», «Шчаткава», што дазволіла дадаткова аздаравіць 573 чалавекі).
На падрыхтоўку стацыянарных лагераў з рэспубліканскага бюджэту выдзелена 62 тыс.654 рублі. Для лагераў, якія знаходзяцца на балансе абласнога, гарадскога і раённых бюджэтаў, прадугледжана 489 тыс. рублёў. Згодна з Планам падрыхтоўкі лагераў, уласнікі плануюць накіраваць каля 350 тысяч рублёў.
Працу лагера плануюць пачаць з 26 траўня.
Пры выкарыстанні матэрыялаў актыўная гіперспасылка на mogilev-region.gov.by абавязковая
18.07.2024 - 10:53
17.07.2024 - 20:25