Магіляўчан запрашаюць паўдзельнічаць у акцыі «Калядная пасылка»

У Магілёве стартавала акцыя Беларускага дзіцячага фонду «Калядная пасылка». Кожны можа купіць падарункі і пакласці іх у скрынкі, устаноўленыя ў крамах горада. Напаўняцца яны будуць да 31 снежня.

У першыя дні новага года прадстаўнікі Фонду сфарміруюць калядныя падарункі для дзяцей дамоў сямейнага тыпу, якіх на Магілёўшчыне налічваецца каля паўсотні.

На акцыю адгукнулася больш за дзясятак крам: вядомыя сеткавікі, якія гандлююць канцылярскімі таварамі, парфумерныя і кандытарскія крамы, а таксама цацачныя брэнды. Спіс удзельнікаў можна знайсці на сайце дзіцячага фонду (bdf.mogilev.by). Акцыя «Калядная пасылка» – частка дабрачыннага марафону «Сагрэем дзіцячыя сэрцы».

ТРК «Магілёў»