Магіляўчанін Ягор Шарамкоў выйшаў у фінал у апорным скачку на этапе Кубка свету ў Катары

У сталіцы Катара горадзе Доха працягваецца чацвёрты і заключны этап розыгрышу Кубка свету па спартыўнай гімнастыцы 2024 года з удзелам беларускіх спартсменаў.

У другі дзень спаборніцтваў мужчыны вызначалі фіналістаў у практыкаваннях на брусах і перакладзіне, а таксама ў апорным скачку, дзе быў прадстаўлены наш Ягор Шарамкоў. За сваё выкананне беларус атрымаў 14,116 бала і кваліфікаваўся ў фінал з апошняга прахаднога, восьмага, месца. Медалі ў гэтым відзе праграмы будуць разыграны 20 красавіка. 17 красавіка Шарамкоў спрабаваў прайсці кваліфікацыю ў вольных практыкаваннях, але выступленне аказалася няўдалым: Ягор заняў 19-ы радок сярод 28 удзельнікаў.

Кубак свету па спартыўнай гімнастыцы з'яўляецца адборачным турнірам для ўдзелу ў летніх Алімпійскіх гульнях. Па выніках турніру ліцэнзіі ў Парыж атрымаюць па два лепшыя спартсмены на кожным са снарадаў - у залік пойдуць тры лепшыя вынікі за чатыры этапы. Перад стартам у горадзе Доха Ягор Шарамкоў ішоў на прахадным другім месцы рэйтынгу ў вольных практыкаваннях, Алена Цітавец была сёмай на брусах. У актыве абодвух атлетаў ужо ёсць па адным медалі розыгрышу Кубка свету - 2024: Шарамкоў браў золата на сакавіцкім этапе ў Азербайджане, а Цітавец выйгравала срэбра на лютаўскім этапе ў Германіі.

БЕЛТА