Магіляўчанка Віялета Бардзілоўская атрымала перамогу ў жаночых камандных спаборніцтвах па скачках на батуце на III Гульнях краін СНД

У азербайджанскім Шэкі ў рамках III Гульняў краін СНД разыграны першыя камплекты ўзнагарод. Беларускія спартсменкі Кацярына Яршова, Яна Лебедзева і Віялета Бардзілоўская перамаглі ў камандных спаборніцтвах па скачках на батуце. Пра гэта паведамілі ў НАК Беларусі.

Беларускі за свой выступ у суме атрымалі 169,350 бала. На другім месцы аказалася каманда Расіі з вынікам 167,750. На трэцім - Турцыя (157,330 бала).

«Пасля доўгага перапынку добра ўдалося выступіць. Рада за дзяўчынак, што паказалі выдатныя скачкі. Удзячная ім, што яны вытрымалі гэты адрэзак», - адзначыла ўдзельніца каманды Віялета Бардзілоўская.

СБ